२०८१ मा १५ पात्रो आधिकारिक, अरुलाई कार्बाहीको तयारी

समाचार

गृहपृष्ठ
समाचार

२०८१ मा १५ पात्रो आधिकारिक, अरुलाई कार्बाहीको तयारी

समाचारदाता शुक्रबार, माघ १२, २०८०

विसं २०८१ का लागि १५ पात्रोलाई स्वीकृति दिएको नेपाल पञ्चाङ्ग निर्णायक विकास समितिले जनाएको छ । नयाँ पात्रो यही माघ १५ गतेदेखि बजारमा आउने समितिको भनाइ छ । समितिले स्वीकृति दिएका पात्रोहरूमा तोयनाथ पन्तको, बाबुराम, नरनाथ, हिमाल, अठोला, तारकेश्वर, सूर्य, आकाश दर्शन, बङ्गलामुखी, शुभ, बाबा गोरखनाथ, कीर्ति, सिद्धि, खप्तड तारानाथ र गौरीशङ्कर गरी १५ पात्रो (पञ्चाङ्ग) छन् । पात्रोमा राखिने तिथि, बार, योग, नक्षत्र र करण गरी पाँच समूहलाई पञ्चाङ्ग भनिन्छ ।

भित्रे पात्रो (क्यालेण्डर) ले भने स्वीकृति नलिएको समिति बताउँछ । स्वीकृति नलिएका पात्रो र भित्तेपात्रोलाई अनधिकृत भन्ने गरिएको छ ।

स्वीकृति नलिएका पात्रोलाई कार्बाही गर्न पर्यटन मन्त्रालयको संस्कृति महाशाखा प्रमुखको संयोजकत्वमा गृह मन्त्रालयका प्रतिनिधिसहित सरोकार भएका निकायकासमेत प्रतिनिधिको सहभागितामा अनुगमन गरिने जनाइएको छ । अनुगमन समितिले आवश्यकताअनुसार उपसमितिसमेत गठन गर्न सकिने जनाएको छ । समितिका अनुसार निर्देशिका बनिसकेकाले यसपटक भने अनुगमनपछि स्वीकृति नलिई प्रकाशन हुने पात्रो र भित्तेपात्रोका प्रकाशक र सम्पादकलाई कारबाही गरिने भएको छ ।

प्रकाशित मिति: शुक्रबार, माघ १२, २०८०

प्रतिक्रिया दिनुहोस्