चीनको सान्सी प्रान्तमा पहिरो जाँदा २१ को मृत्यु

समाचार

गृहपृष्ठ
समाचार

चीनको सान्सी प्रान्तमा पहिरो जाँदा २१ को मृत्यु

समाचारदाता सोमबार, साउन २९, २०८०

चीनको सान्सी प्रान्तको सियान क्षेत्रमा भीषण वर्षाका कारण पहाडी क्षेत्रमा पहिरो गएको छ ।

सो पहिरोमा आइतबार साँझसम्म मृत्यु हुनेको सङ्ख्या २१ पुगेको छ भने अन्य ६ जना बेपत्ता भएका छन् । उनीहरूको खोजी कार्य जारी रहेको छ ।

समाचार अनुसार शुक्रवार साँझ करिब ६ बजे भारी वर्षा, बाढी र पहिरोले सियान जिल्लाको चाङआन गाउँमा क्षति पुराएको थियो। भूकम्पबाट राष्ट्रिय राजमार्ग २१० मा रहेका दुई घर र २१ वटा खण्डमा क्षति पुगेको छ ।

सियान ब्युरो अफ इमर्जेन्सी म्यानेजमेन्टलाई उद्धृत गर्दै भनिएको छ कि प्रकोपले तीन वटा विद्युत् आपूर्ति पूर्वाधारमा क्षति पुराएको छ। जसका कारण हाल ९ सय घरमा बिजुली छैन । यसैबिच खोज, उद्धार र विपद् राहत कार्यमा लाइफ डिटेक्टर, स्याटलाइट फोन, स्निफर डगलगायतका एक हजार थान उपकरण परिचालन गरिएको छ । सहरमा अनसाइट कमान्ड सेन्टर पनि स्थापना गरियो। खोज, उद्धार र विपद् राहत कार्यमा ९८० जनाभन्दा बढी कर्मचारीसहित दमकल र प्रहरी विभागसहित १४ उद्धार टोली खटाइएको छ ।

आइतबार साँझसम्म १ सय ८६ जना बासिन्दालाई अन्यत्र सारिएको छ । राष्ट्रिय राजमार्ग २१० को तीन वटा गम्भीर क्षतिग्रस्त खण्ड पुनर्निर्माण गरिएको छ। सामान्य क्षति भएका २१ सडक खण्डमा अहिले पनि काम भइरहेको छ भने ४९ प्रभावित क्षेत्रमा सञ्चार सेवा सुचारु गरिएको छ । यसैबिच ८ सय ५५ घरमा विद्युत् आपूर्ति सुचारु भएको छ ।

गाउँका दुई घर बगाएको प्रारम्भिक अनुसन्धानबाट खुलेको छ । साथै वरपरका सडक, पुल, विद्युत् आपूर्ति र अन्य पूर्वाधारमा क्षति पुगेको छ । शान्सीमा सशस्त्र प्रहरी बलको सियान डिटेचमेन्टले प्रभावित क्षेत्रमा १०० भन्दा बढी कर्मचारी तैनाथ गरेको छ। प्रभावित क्षेत्रमा प्रारम्भिक खोज तथा उद्धार कार्य भइरहेको छ ।

प्रकाशित मिति: सोमबार, साउन २९, २०८०

प्रतिक्रिया दिनुहोस्