आजको राशिफल

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल वि.सं. २०७८ साल असोज ११ गते सोमबार

ज्याे. गंगासागर उपाध्याय आइतबार, असोज १०, २०७८

मेष - द्विस्वभावयुक्त सोचाइका कारण निर्णय लिन गाह्रो पर्नेछ । अचल वस्तुमा गरेको लगानिबाट पछिसम्म लाभ लिन पाइनेछ । धार्मिक कार्यमा रुचि बढ्नेछ । अल्छि गर्नाले महत्वपूर्ण मौमा फुत्कन सक्छ, जागरुक रहनुपर्नेछ । अरुको उक्साहटमा हतारमा निर्णय नलिनुहोला । स्वास्थ्यको ख्याल राख्नुहोला ।

वृष - आँटेताकेका काम पूरा हुनेछन् । बौद्धिक क्षमतामा अभिबृद्धि हुनेछ । काम गर्ने कलाले प्रशंसा बटुलिनेछ । अग्रज व्यक्तिसँग सहकार्य गर्ने मौका मिल्नेछ । नयाँ मित्रता गाँसिनेछ । महत्वपूर्ण कार्यको जिम्मेवारी पाइनेछ । आत्मिय व्यक्तिसँगको रमाइलो भेट हुनेछ । बोलिको कदर हुने समय रहेको छ ।

मिथुन - आज ठूलो लगानि एवं टाढाको यात्रा त्यत्ति शुभ देखिन्न । व्यर्थको झन्झट मात्र व्यहोर्नु पर्नेछ । अनावश्यक कार्यमा चासो राख्दा आफ्ना समयको बरवादिमात्र हुनेछ । गलत व्यक्तिको परिबन्दमा परिन सक्छ, अरुको लहैलहैमा नलाग्नुहोला । नयाँ सम्झौताले मूर्तरुप पाउने छैन ।

कर्कट - एघारौं भावमा स्थित चन्द्रमा ग्रहका प्रभावले आकस्मिक धन लाभ एवं मानसम्मान मिल्नेछ । खुसीको खबर उन्न पाइनेछ । थोरै मिहिनेतले नै लक्ष्यमा पुग्न सकिनेछ । कार्य प्रतिको लगनशिलता र क्रियाशिलता बढ्नेछ । आत्मियजनसँगको भेट हुनेछ । नयाँ तौर–तरिकाको प्रयोगले आर्थिक उन्नति हुनेछ ।

सिंह - स्वास्थ्यमा सुधार हुनेछ भने नयाँ संझौता गरेर अघि बढ्न सकिनेछ । गरेका कार्य प्रभावशाली बन्नेछन् । समर्थकहरु बढ्नेछन् । कार्यक्षेत्रप्रति समर्पित भइनेछ । अध्ययन अध्यानपन क्षेत्रमा विशेष चासो रहनेछ । सकारात्मक चिन्तन रहनेछ । नेतृत्वगणको प्रीयपात्र भइनेछ ।

कन्या - आजको दिन मिश्रीत फलदायी रहनेछ । पढाइमा अघिल्ला दिनमा भन्दा केही प्रगति हुनेछ । अवसर हुँदाहुँदै पनि ढिलासुस्तिका कारण महत्वपूर्ण मौका फुत्कनेछ । तर धार्मिक कार्यमा भने आस्था जाग्नेछ । अरु व्यक्तिको दुःख, कष्टमा सहयोगीको भूमिका निर्वाह गर्न पाइनेछ ।

तुला - आज नयाँ संझौता एवं टाढाको यात्रा त्यत्ति शुभ देखिँदैन । विश्वास गरेका व्यक्तिले विश्वास घात गर्नेछन् । गोपनियता बताउँदा बन्नै आँटेका कार्यमा समेत बाधा अड्चन आउनेछन्, गोपनियतामा ध्यान दिनुहोला । अरु व्यक्तिको नियम आचरणमा रहन गाह्रो पर्नेछ । स्वास्थ्य कमजोर बन्नेछ । नियमित कार्यमा नै ध्यान दिनुहोला ।

बृश्चिक - प्रेम प्रसंग चल्नेछ । आत्मियजनसँगको रमाइलो जमघट एवं यात्रा होला । स्वास्थ्य अवस्था ठीकठाक नै रहला । सामान्य प्रयासबाट नै कार्य बन्दा अघि बढ्नका लागि हौसला थपिनेछ । दाम्पत्य सहयोगले काम–कार्य बन्नेछन् । पारिवारिक समस्या हल भएर जानेछ । नयाँ उमंग छाउने समय रहेको छ ।

धनु - सामान्य झमेला आइलागेता पनि मिहिनेतको भने कदर हुनेछ । श्रमको सही मूल्यांकन मिल्नाले लक्ष्यमा पुग्न सफल भइनेछ । मन, बचन र कर्मको तालमेल मिल्नेछ । परिश्रमको सही प्रतिफल पाइनेछ । मिहिनेती प्रबृत्तिको विकास हुनेछ । शत्रूहरु कमजोर बन्नेछन् । स्वास्थ्यको भने ख्याल राख्नुहोला ।

मकर - शारीरिक आलस्यता एवं समान्य पारिवारिक असमझदारीता हुनसक्छ, परिवारजनलाई खुसी पार्ने प्रयास गर्नुहोला । पूर्व तयारी र योजना बनाएर कार्यमा निस्नु उचित हुनेछ । विद्यार्थी वर्गका लागि भने समय अनुकूलको रहेको छ । सिकेका कुरालाई कार्य क्षेत्रमा प्रयोग गर्न सकिनेछ ।

कुम्भ - शारीरिक कमजोरीको अनुभूति हुनेछ । अघिदेखि सहज तवरले बन्दै आएका कार्यमा समेत बाधा-व्यवधान आउन सक्छ, संयम रहनुहोला । मानसिक अशान्तिपनले छाड्ने छैन । वैदेशिक क्षेत्रका काम भने बन्नेछन्, घर परिवारबाट टाढा हुनेका लागि नयाँ अवसर समेत मिल्ने समय रहेको छ ।

मीन - साथीभाइसँग नयाँ ठाउँ घुमफिर गर्ने अवसर मिल्नेछ । प्रीयजनको साथ, सहयोगले गर्दा समस्याको समाधान गर्न सकिनेछ भने नयाँ कार्यको आरम्भ समेत गरिनेछ । सांगीतिक क्षेत्रमा मन रमाउनेछ । खुसीको खबर सुन्न पाइनेछ । व्यवसायिक क्षेत्रमा लाग्ने व्यक्तिहरुका लागि समेत समय अनुकूलको रहने देखिन्छ ।

प्रकाशित मिति: आइतबार, असोज १०, २०७८