'जयतु संस्कृतम्' संस्थया संस्कृतकविगोष्ठी समायोजिता

संस्कृत

गृहपृष्ठ
संस्कृत

'जयतु संस्कृतम्' संस्थया संस्कृतकविगोष्ठी समायोजिता

उमेश घिमिरे शनिबार, असार १६, २०८०

357633226_9881118488628730_8439512100947621232_n1688232618.jpg

357678046_290247430058913_3720611959957638389_n1688232610.jpg

357895912_561330419323767_296889183676379594_n1688232602.jpg

357802797_998801148222617_1704053255233048994_n1688232573.jpg

357745995_1006050283914660_1637632000891630072_n1688232551.jpg

असीत्यधिकद्विसहस्रतमवैक्रमाब्दस्यआषाढमासस्य पञ्चदशे दिवसे [२०८०/०३/१५] वाल्मीकिविद्यापीठस्य सभाकक्षे ´जयतु संस्कृतम्` इति संस्थया संस्कृतकविगोष्ठी समायोजिता । अस्या: कविगोष्ठ्या: सभाध्यक्षत्वेन जयतु संस्कृतमिति संस्थाया उपाध्यक्षाः प्रा.डा.विष्णुप्रसाददेवकोटामहाभागा: विराजमाना आसन् चेत् प्रमुखातिथित्वेन नेपालसंस्कृतविश्वविद्यालयस्य शिक्षाध्यक्षाः प्रा.डा.भीमप्रसादखतिवडामहाभागा: जुमयन्त्रमाध्यमेन समुपस्थिता आसन् । विशिष्टातिथित्वेन च वाल्मीकिविद्यापीठस्य प्राचार्या: प्रा.डा. भागवतढकालमहाभागा राजमाना आसन् । सभाया: शोभावर्धकत्वेन संस्कृतवाङ्मयप्रकटितवैदुष्या विद्वद्वरेण्या: प्राध्यापका: दुर्गाप्रसाददाहालगुरव:, प्राध्यापका: रामहरिदाहालगुरव:, प्रा.डा.काशीनाथन्यौपानेगुरव:, वाल्मीकिविद्यापीठसमितेरध्यक्षा: प्राध्यापका: घनश्यामभण्डारिमहाभागा:, साहित्यविषयस्य विभागाध्यक्षा: प्रा.डा. नुरापतिपोखरेलगुरव:, प्रा.डा.ध्रुवभट्टराईगुरव:, प्रा.डा. भीमप्रसादकण्डेलगुरव:, प्रा.डा.जीवनाधिकारिगुरव:, संस्थाया: सदस्यसचिवा: प्रा.डा. नवराजकट्टेलमहाभागा:, प्रा.डा. धनेश्वरनेपालमहाभागा:, प्रा.डा. मुकुन्दप्रसादलामिछानेमहाभागाश्चासन् । मुकुन्दप्रसादचालिसे-गोविन्दप्रसादघिमिरे- चिन्तामणिभट्टराई-माधवप्रसादघिमिरे-हिमालयभट्टराई-अर्जुनदाहाल-रामप्रसादलामिछाने-उमेशप्रसादघिमिरे-दिग्विजय-अर्जुनखतिवडा-कृष्णमणिपहाडी-नरेशपण्डित-अञ्जनढुङ्गेल-सविनाकोइराला-दुर्गाप्रसादनेउपाने-आकाशनीलमित्याख्यानेककविवराश्चापि सभायां तत्र समुपस्थिता आसन् । सभायां ये ये संस्कृतसमुपासका: शताधिका: विद्वांस: सशरीरं प्रविधिमाध्यमेन वा समुपस्थिता: प्रायस्तै: सर्वैरपि कविवरै: स्वकीया सुन्दरी संस्कृतकविता श्राविता आसीत् । अतस्तत्सभायां भावगभीरा: विविधछन्दोनिबद्धा आध्यात्मिकसामाजिकराजनीतिकादिविषयसम्बद्धास्त्रिंशदधिकाः कविता: कविभिर्वाचिता आसन् । द्वादशवादनात् प्रारव्धेयं कविगोष्ठी पञ्चवादनपर्यन्तं सञ्चालितासीत् । अस्या: कविगोष्ठ्याश्च सञ्चालनं समुद्घोषणं वा संस्कृतसमुपासकेनोपप्राध्यापकेन गोविन्दघिमिरेनामकेन विदुषा विहितमासीत् । तत्र प्राध्यापकैर्मुकुन्दप्रसादलामिछानेमहाभागै: समुपस्थितानां काव्यकाराणां स्वागताभिनन्दनं विहिमासीत् चेत् सदस्यसचिवैः प्राध्यापकै: नवराजकट्टेलमहाभागै: जयतुसंस्कृतमिति संस्थाया उद्देश्यं प्रकाशितमासीत् । अन्ते सभाया अध्यक्षतां कुर्वद्भिरादरणीयैर्गुरुभिर्विष्णुप्रसाददेवकोटामहाभागै: समुपस्थितेभ्यो विद्वद्भ्यः कविवर्येभ्यश्च कृतज्ञताज्ञापनपुरस्सरं धन्यवादं प्रदाय सभा विसर्जिता आसीत्। नैपालकानामनेकेषां संस्कृतविदुषां कविवर्याणाञ्च समुपस्थित्या सभेयमतीव गौरवमयी अविस्मरणीया चासीत् ।

प्रकाशित मिति: शनिबार, असार १६, २०८०

प्रतिक्रिया दिनुहोस्