प्रतिनिधि सभाको बैठकमा आज पनि मन्त्रीहरूले बजेटमाथि उठेका प्रश्रकाे जवाफ दिने

अर्थ-वाणिज्य

गृहपृष्ठ
अर्थ-वाणिज्य

प्रतिनिधि सभाको बैठकमा आज पनि मन्त्रीहरूले बजेटमाथि उठेका प्रश्रकाे जवाफ दिने

समाचारदाता मंगलबार, असार १२, २०८०

प्रतिनिधि सभाको बैठक बस्दै छ ।

सङ्घीय संसद भवन, नयाँ बानेश्वरमा उक्त बैठक बस्नेछ । बैठक ११ बजे बोलाइएको छ ।

मङ्गलवारको बैठकमा विनियोजन विधेयक माथिको छलफल जारी रहनेछ । सोही क्रममा विनियोजन (बजेट) विधेयक माथि उठेका प्रश्नको जवाफ सम्बन्धित मन्त्रालयका मन्त्रीहरूले दिने कार्यलाई निरन्तरता दिइएको संसद सचिवालयले जनाएको छ ।

newskarkahna-news532330.1687837141.jpg

जसअनुसार मङ्गलवारको बैठकमा भूमि व्यवस्था, सहकारी तथा गरिबी निवारण मन्त्रालय, अर्थ मन्त्रालय, शिक्षा, विज्ञान तथा प्रविधि मन्त्रालय, कानुन, न्याय तथा संसदीय मामिला मन्त्रालय र कृषि तथा पशुपन्छी विकास मन्त्रालयको विनियोजन विधेयक २०८० अन्तर्गत विभिन्न शीर्षकहरूमा सांसदले उठाएका प्रश्नहरूको सम्बन्धित मन्त्रीले जवाफ दिने कार्यसूची रहेको छ।

प्रतिनिधि सभाको हिजोको बैठकमा विनियोजन विधेयक २०८० अन्तर्गत प्रतिनिधि सभा सदस्यहरूले मन्त्रालयगत छलफलमा उठाएका प्रश्नहरूको रक्षा, सङ्घीय मामिला तथा सामान्य प्रशासन, संस्कृति, पर्यटन तथा नागरिक उड्डयन, स्वास्थ्य तथा जनसङ्ख्या, परराष्ट्र, ऊर्जा, जलस्रोत तथा सिँचाइ, खानेपानी र श्रम, रोजगार तथा सामाजिक सुरक्षा मन्त्रीले जवाफ दिएका थिए ।

प्रकाशित मिति: मंगलबार, असार १२, २०८०

प्रतिक्रिया दिनुहोस्