विहादीमा नेलम्बो नेपालको ३ दिने निशुल्क स्वास्थ्य शिविर

स्वास्थ्य

गृहपृष्ठ
स्वास्थ्य

विहादीमा नेलम्बो नेपालको ३ दिने निशुल्क स्वास्थ्य शिविर

समाचारदाता शुक्रबार, फागुन १९, २०७९

पोखरा-४ गैह्रापाटनमा रहेको नेलम्बको नेपालले पर्वत जिल्लाको विहादी गाउँपालिकासँग समन्वय र सहकार्य गरी गाउँपालिकाको वडा नं. ४ मा रहेको वहाकिठाँटी स्वास्थ्य चौकीमा ३ दिने निःशुल्क विशेषज्ञ सहितको स्वास्थ्य शिविर सम्पन्न गरेको छ । उक्त शिविरमा ८४२ जनाले प्रत्यक्ष सेवा लिएका छन् । सो शिविरमा जर्नल फिजिसियन सेवा, स्त्री रोग सम्बन्धी सेवा, हाडजोर्नी तथा नशा रोग सेवा, नाक, कान घाँटी सम्बन्धी सेवा, दन्त परिक्षण र उपचार सेवा, भिडियो एक्सरे, इसिजी, ल्याब परीक्षण निःशुल्क औषधी वितरण र सचेतना कार्यक्रम सञ्चालन गरिएको हो । उक्त शिविरमा कुल सेवा २०८६ प्रदान गर्न सफल रहेको नेलम्बो नेपालका अध्यक्ष एकदेव देवकोटाले बताए ।

शिविरका प्रमुख अतिथि विहादी गाउँपालिकाका अध्यक्ष परविन गुरुङ्गले नेलम्बो नेपालले विदी गाउँपालिकामा स्वास्थ्य क्षेत्रमा निःशुल्क स्वास्थ्य शिविर सञ्चालन गरेर विपन्न समुदायका जनतालाई ठूलो सहयोग गरेको बताए । उनले नेलम्बो नेपालसँग भविष्यमा थप सहकार्य गरेर अगाडि बढ्ने र स्वास्थ्य, शिक्षा र वातावरणको क्षेत्रमा कार्य गर्ने पनि बताए । विशिष्ट अतिथि गाउँपालिकाकी उपाध्यक्ष मिना शर्मा तिवारीले नेलम्बो नेपालको स्वास्थ्य शिविरको सेवा केवल शिविरमा मात्र नभई प्रत्यक्ष लाभ लिने खालको भएको औंल्याइन् । विशेषज्ञ सहितको स्वास्थ्य सेवाले विहादी बासी अत्यन्त खुशी भएको र भविष्यमा यस्ता कार्यमा थप सहकार्यमा अगाडि बढ्ने उनले बताइन् । उनले कतिपय शिविरिहरु देखावटी मात्र हुने र त्यसले कुनै अर्थ नराख्ने तथा यस्ता खालका विशेषज्ञ शिविरले कतिपय दूरदरारमा लुकेर रहेका रोगको रोगको पहिचान र निदान पनि हुने भएको हुँदा समाजमा यस्तै खाले शिविरको खाँचो रहेको बताइन् ।

नेलम्बो नेपालका अध्यक्ष एकदेव देवकोटाले संस्था शिक्षा, स्वास्थ्य र वातावरणको क्षेत्रमा क्रियाशिल रहेको र विहादी गाउँपालिकामा स्वास्थ्य सेवा दिन पाउँदा अत्यन्तै खुशी लागेको र भविष्यमा आवश्यकता र दक्षताका आधारमा गाउँपालिका सँग सहकार्य गर्न सकिने पनि बताए । गाउँपालिकका प्रमुख प्रशासकीय अधिकृत चुर्णबहादुर कार्कीले नेलम्बो नेपालले दिएको सेवाप्रति जनमानसले खुशी व्यक्त गरेको बताए । गाउँपालिका स्वास्थ्य संयोजक हरि भुषालले स्वास्थ्य शिविर अत्यन्त प्रभावकारी रहेको बताए ।

उक्त ३ दिने शिविरमा डा. प्रकाश कार्की, डा. सुदर्शन आचार्य, डा. विनोद वराल, डा. सिजन मर्सानी, डा. सानीमा पालिखे, डा. तमन्ना गुरुङ्ग, लगाएत १६ जनाको स्वास्थ्यकर्मीको टोली उपचारमा संग्लन रहेको नेलम्बो नेपालका कार्यक्रम संयोजक भीम प्रसाद भण्डारीले जानकारी दिए । शिविरको सभापतित्व विहादी गाउँपालिकका वडा नं. ४ का वडा अध्यक्ष विष्णु प्रसाद भुषालले गरेका थिए भने कार्यक्रम हेल्थपोष्ट इन्चार्ज भूपेन्द्रनाथ पौडेलले सञ्चालन गरेका थिए ।

प्रकाशित मिति: शुक्रबार, फागुन १९, २०७९

प्रतिक्रिया दिनुहोस्