आजको राशिफल

पञ्चाङ्ग र राशिफल

गृहपृष्ठ
पञ्चाङ्ग र राशिफल

आजको राशिफल ३१ भाद्र, २०७८ काे राशिफल

ज्याे. गंगासागर उपाध्याय बुधबार, भदौ ३०, २०७८

मेष

धार्मिक कृत्यमा मन जागृत हुनेछ । काम कर्तव्यप्रति जिम्मेवारी बढ्नेछ । सत् कार्यको आरम्भले गर्दा धेरै व्यक्तिको साथ तथा समर्थन पाइनेछ । प्रतिष्पर्धात्मक कार्यमा विजयी भइनेछ । बोलिको कदर हुनेछ ।

वृष

पूर्वान्हको समयमा समस्याले छाड्ने छैन । चिन्ताप्रद खबरले सताउनेछ । तर मध्यान्ह पछिको समय सुधारिएको छ । सकारात्मक सोचाइ रहनेछ । काम गर्ने जोश जाँगर बढेर जानेछ । स्वास्थ्यमा सुधार हुनेछ ।

मिथुन

मध्यान्ह अघि विशेष अवसर मिल्नेछ भने मन मिल्ने व्यक्तिसँगको रमाइलो भेटघाटको योग समेत देखिन्छ । उत्तराद्र्धको समयमा स्वास्थ्य कमजोर तथा आर्थिक पक्षमा मन्दिपन रहनेछ । समस्या सृजना हुनेछ ।

कर्कट

अधिक परिश्रम गर्नु परेता पनि उचित रुपमा प्रतिफल मिल्दा खुसी लाग्नेछ । मिहिनेती प्रवृत्तिको विकास हुनेछ । प्रेमीप्रमीका विचको सम्बन्ध प्रगाढ रहनेछ । नयाँ लगानिको अवसर जुट्ने देखिन्छ ।

सिंह

बौद्धिक क्षमताको कदर हुनेछ । पारिवारिक सहयोगले कार्य बन्नेछ । व्यवसायबाट सोचे भन्दा बढि लाभ मिल्दा खुसी लाग्नेछ । वेलुकीपख सामान्य स्वास्थ्य कमजोर बन्न सक्छ, खानपान एवं व्यायाममा ध्यान दिनुहोला ।

कन्या

पूर्वान्हमा आफन्तजनसँग विवाद एवं आर्थिक नोक्सानी व्यहोर्नु परेता पनि मध्यान्ह पछि समय अनुकूलको बन्नेछ । पढाइलेखाइमा मन जानेछ । सत् विचारको उदय हुनेछ । टाढिएका आफन्तसँग मिलन हुनेछ ।

तुला

सहमतिबाट समस्याको निराकरण हुनेछ । साझेदारी कार्यबाट लाभ मिल्नेछ । मध्यान्ह पछि एक्कासी स्वास्थ्य समस्याले सताउनेछ । दैनिक काम कार्यमा समेत अवरोधको स्थिति सृजना हुनेछ, सजक रहनु होला ।

बृश्चिक

उत्साह उमंग छाउनेछ । समाजमा बेग्लै पहिचान स्थापित गर्न सकिनेछ । साथीभाईसँगको रमाइलो जमघटको योग बनेको छ । काम गरेर आत्मसन्तुष्टि मिल्नेछ । कृषि एवं बन्दव्यापारबाट लाभ मिल्नेछ ।

धनु

धेरै क्षेत्रमा आफ्नो प्रभुत्व जमाउन सकिनेछ । विद्यार्थी वर्गका लागि विशेष अवसर मिल्नेछ । प्रीयजनसँगको रमाइलो पल वित्नेछ । वेलुकीपख अल्छि गर्नाले मौका फुत्कन सक्छ, जागरुक भएर कार्य गर्नुहोला ।

मकर

विहानीको समय अन्योलमा नै वित्नेछ । काम गरेर जस भन्दा अपजस व्यहोर्नु पर्नेछ । मध्यान्ह पछि काम गर्ने वातावरण बन्नेछ । अध्ययनमा मन जानेछ । आर्थिक पक्षमा समेत सुधारको संकेत देखिन्छ ।

कुम्भ

सहोदरका व्यक्तिको साथ पाइनेछ । सानो लगानिबाट नै धेरै लाभ उठाउन सकिनेछ । तर मध्यान्ह पछि खर्चभार बढेर जानेछ । झन्झटिला कार्यको नेतृत्व गर्नु पर्नेछ । मेहिनेत अनुरुप लाभ मिल्ने छ्रैन ।

मीन

काम गर्ने जोश जाँगर बढेर जानेछ । प्रतिष्ठित कार्यको आरम्भ गरिनेछ । भौतिक सुखसुविस्ता उपभोग गर्न पाइनेछ । मान्यजनको साथ समर्थन मिल्नेछ । स्वास्थ्यमा सुधार हुनेछ । आर्थिक अवस्था बलियो नै रहने देखिन्छ ।

प्रकाशित मिति: बुधबार, भदौ ३०, २०७८

प्रतिक्रिया दिनुहोस्