एक जना सचिवमा बढुवा, एकको सरुवा; संस्थान सुझाव समितिमा दुई महिला सदस्य

समाचार

गृहपृष्ठ
समाचार

मन्त्रिपरिषदका निर्णय एक जना सचिवमा बढुवा, एकको सरुवा; संस्थान सुझाव समितिमा दुई महिला सदस्य

... सोमबार, मंसिर २६, २०७९

सरकारले सार्वजनिक संस्थान सुझाव समितिलाई थप प्रभावकारी र समावेशी बनाउन दुई महिला सदस्य थप गर्ने निर्णय गरेको छ । सरकारका प्रवक्ता ज्ञानेन्द्रबहादुर कार्कीले मन्त्रिपरिषदका निर्णय सार्वजनिक गर्ने क्रममा ती दुई महिला सदस्यको नाम भने सार्वजनकि गरेनन् । त्यस्तै प्रधानमन्त्री तथा मन्त्रिपरिषद्को कार्यालयका नेपाल इञ्जिनियरिङ सेवाको सामूहीकरण (क्लष्टर) तर्फका सचिव सुरेश आचार्यलाई सहरी विकास मन्त्रालयको सचिव पदमा सरुवा गर्ने निर्णय सरकारले गरेको उनले बताए ।

त्यस्तै, राजपत्राङ्कित प्रथम श्रेणीका सहसचिव राम आधार शाहलाई नेपाल इञ्जिनियरिङ सेवाको सामूहीकरण (क्लष्टर) तर्फको राजपत्राङ्कित विशिष्ठ श्रेणीमा बढुवा गरी प्रधानमन्त्री तथा मन्त्रिपरिषद्को कार्यालयको सचिव पदमा पदस्थापन गर्ने मन्त्रिपरिषद्को निर्णय छ ।

“गोदक–सोयक १३२ केभी प्रसारण आयोजनाका लागि जग्गा प्राप्ति गर्ने र प्रारम्भिक कारबाही चलाउने अधिकारी तोक्ने र नेपाल राष्ट्रिय भूतपूर्व सैनिक सङ्घलाई सरकारी जग्गा लिजमा उपलब्ध गराउन स्वीकृति दिने सरकारले निर्णय गरेको छ”, सरकारका प्रवक्ता कार्कीले भने। मन्त्रिपरिषद्ले कालीगण्डकी करिडोर (न्यू बुटवल-बर्दघाट) आयोजनाको २२० केभी प्रसारण लाइनका लागि वन क्षेत्र प्रयोग गर्न स्वीकृति दिने निर्णय गरेको छ ।

प्रकाशित मिति: सोमबार, मंसिर २६, २०७९

प्रतिक्रिया दिनुहोस्